Open your eyes
The day has begun
A new season around
With senses abound
No nip in the air
Birds sing
And search
For a home
Off the ground
Away from
Sharp teeth
Fit for
New life
We smile
And rise
With a spring
In our step
The promise
The beginnings
Like nature
We follow
Category: Poems
“Belonging” Doric Poem
In twa thoosan an eliven
We’ll mind it fir life
Iss wis yon year wi muckle bleed
Fir thae fa canna stann up fir themsels
Oor cooncil took awa their aid
An’ll mak em wait fir yeers oan end
Bairns wi needs canna find help
Stuffed intae skewls thit canna cope
An admittin it noo micht help mebbe ane
If they blabber the truth tae us a
If inclusion’s a wye fir us tae see
Oor bairns’re nae a fit fir them fancy wyes
Foo sad it maks me tae spy misery
Oan faces o bairns nae wintin tae be
Find em a space fariver it be
An pit back oan a smile
Fit mair greetins tae see
“Burns Nicht” (Doric Poem for Robert Burns “Burns Night”)
Hive ye iver wonnered fit thon Burns Nicht wis a aboot, an fit they did. Read oan fir hoo them that likes tae celebrate Rabbie Burns birthday wi a supper dae it.
Eence mair comes roon the 25th, the birthday o the baird
Fir Rabbie’s supper eence agin, the tartan clamored laird
A ower the warld, folk gaither wi freens, an beat thon Selkirk grace
Tae celebrate a man o words, a poet fu o grace
We start wi soup, an hud oor weesht, afor mair grub is seen
The chunter soonds the warning, thit the haggis is oan its wye
An oan a platter, fit fir a king, the beast is piped oan in
Tae an address, an pomp worthwhile, is slit frae end tae end
Wi neeps n tatties, the dish doled oot, an a dram o whiskey rare
We’ll hae a toast, tae the Queen, an then’s oor Rabbies turn
Mair thanks tae a, fa did the wirk, tae mak a crackin nicht
An then them lads and lasses joke, wi jibes tae ane an a
An efter a them tales are ower, the dancin micht begin
Or mebbe jist a tale or twa, lik Tam o Shanter playin
An fan its ower we’ll a gie thanks, and link oor airms a hither
Tae pay respects an sing a roon o Auld Lang Syne thigither
Author: Lesley S Smith
“Flooer wi a Wish” New Year Doric Poem for all my friends with the English Translation
Fir a oor freens fae ower e warld (For all our friends, all over the world)
Fir abody wi ken (For everyone we know)
Ah’m wishin ye a gran new year (I’m wishing you all a great New Year)
Oor freens are a wi hiv (Our friends are all we have)
Lets nae tak ony crabbit fash (Lets not take any bad tempered worries)
Tae come ower us a nixt year (To come with us for next year)
Sae shak oor hauns wi pride (So shake our hands with pride)
An forgie wi bleeting heart (And forgive with a talkative heart)
Hud yer wheest, an quaitely prov (Stay quiet, and quietly prove)
We a agree tae brig e past (We all agree to bridge over the past)
Fir e need tae hae freens new an auld (For the need to have friends new and old)
Is wi us a fae birth tae dree us a (Is with us from birth for us all to endure)
Sae here’s a flooer, wi a wiss (So here’s a flower, with a wish)
Fae me tae yous the day (From me to you all today)
Nae matter far wi kep or r gaun (No matter where we met, or go)
Is grand tae hae ye near. (Is good to have you close)
A birsle tae ane an a (A toast to one and all)
“A Braw New Year” Doric Hogmanay Poem
Wir waitin fir the end o the month
Fir oan the thirtae first its a oer
An a new year wi us a cheerin n kissin
As we a ring em bells, an kiss baith loons an quines rosy chiks
Haudin up twa strings ae misseltow, ower fa ye like
Ye a ken fit a mean, wi a did it fan we wir young
An we smile fan we see, a first fit wi his coal
He his tae be dark o hair, an tall as kin be
Coal fir oor fire, a symbol fae the past
Heat tae survive, a braw gift
Noo will be biscuits, or mebbee a dram
A wishin us weel, fir a new year on its wye
Tae the lute o the piper, or the drum
The bells ding, oor clock strikes the midnight oor
Some ring em in, wi a song fae oor past
Maist linkin airms, an singing oot loud
Fir thae auld pals, they’ll nivver forget
Sung the world oer, a hoosehold chant
An a toast o the year tae come, we a hud oot hope
Fir a Happy New Year, tae ane an a
“Shhhhh fir Santa” Christmas Doric Poem
It’ll seen be time fir christmas
Time fir abody tae say
Hud yer weesht, it’s gettin late
Shut them peepers at end o the day
But, seen as yer ma’s heids hits e hay
Ye teeter oot o yer covers an mair
Yer lugs wirk sae hard, they shiver
An hush as ye go, near tae at door
Creepin doon yon steps fair sleekit
Teetin roun an roun, yer een openin wi frite
Shhhhhh em bells tinkle an jinngle
Ye look thru windae panes, an clap yer haun tae yer muth
A sleigh skiffs by, unner yer nose
Wi a flash fae rudolph, winkin is een
Shh lik a moose, scurry an shimmer
Up tae yer bed, afore santa slips doon yer lum
“Snow” Christmas Doric Poem
Wi thon muckle flurries, ah watch oot ma windae
Yon white draps, wi wee crystals aboot em
An ah dream o yon year, fan ah wis a quine
A lass wi a bin liner, slidin doon nigg bay slopes
We’d nowt on oor hauns, and sookit feet
The caul nivver entered intae oor heids
Thinkin back now, ah canna believe it
Ah feel the caul, jist thinkin aboot it
Ah’m stannin back, an love far ah am
Ahin me, is a fire, glowin n burnin
An the morra winna stap me, ah’m gaun oot wi the bairns
Fir an efterneen o sledgin, trussed up lik a chook
Ah’ll hae ma gloves, an ma hat oan ma heid
An them leggins wi paddin, thit keep oot the weet
Dinna forget thon bitts, wi paddin an fleecin
As ah’ll skite doon at mound, laffin and jokin
“Scrievin Maist Weel”
Wir scrievin mad, maist still tae dae
Wi fifti thoosan wirds tae fill
Ah’m a fifth doon sae far tae gang
Wi a heart gaun boom, its rare ye see
Fir efter at, mair wirk wi wirds
Tae move at draft an find a hoose
It’s scrievers month an wir writin in fury
Dinna gibber tae me till its a ower
Fir nanowrimo’s a lot tae say
An ah’m daein ma wirk fae morn till nicht
An ah’ll see ye richt soon, na worries fir me
Fir me tae meet at yon bell, sae muckle tae dae
Ah’m up an doon fir wirds tae mak
Wi’ll a mak fun o ane anither
But fan it maks a diffrince
Is fan wir heids r dirlin
Far else culd ye scrieve sae muckle mush
An mak a tale hough an hale
Fir a o us fa mak it tae at winnin bell
Ah’ll raise me dram tae wish ye weel
“Supper Time”
Fars thon kids
Jist fit on earth did yon bairns get up tae the day
Tea’s on the table an nae a soul in sicht
Open at windae an bawl aff me heid
Here’s ane o em, na, mak it twa
And richt ower e hill, number three maks it as weel
It’s caul on e table an ah’ve a richt tae scold
Ah’m e mug thit made it
An jist as a’m done wi my tongue
At middle loon pats is belly
An seys yum yum
“Muckle Ba”
It’s guid ah am, wi it’s fair fine pitch
Ah’ll mak it yet, so dinna say nay
Kickin n spinnin that great muckly ba
Ma heiders are fair
Tho ah need some mair flair
The oors ah spint, wir braw
Ah forgot me tea
Me maw’s een were red
An the day ah focht
For ma place in the team
Ahh sweet, sweet
Nae mair in a guddle
Ah didnae get in
But ah had me day
Ahh sweet, sweet
Nae fash, mair mair
“Ma Bonnie Yellow Lab”
Yer bonnie n bricht wi yer licht glossy coat
Ye’ve nowt tae say fan ye’re in yer bed
Yer auld n sad when ye teet oot o yer paws
Them auld grey een, with now tae see nae mair
The dogs o yer youth, are ower the hill, or gone
All braw pups, eence loupin n floppin
Spinnin in tae mud, an treadin thru water
Free wi the birds an chasin roon hares
Settin doon on the grun, like the twa auld wifies we are
We mind hoo we were, an grin frae afar
Ye’re nae ready tae go, an ah’m nae ready tae lose ye
We’ve mair tae share, an ye’ve still nae had yer fill
Oor dreams come tae mend us, an ye see thru yer heid
Wi shut een, ye see clear, an yer limbs stride the air
As yer een and yer nose twitch, yer ears lift up high
An a whisper o dinner, brings ye richt tae ma heel
Ah’ve loved ye sin the day ah bocht ye
An ah’ll niver forget just a that ye gave me
Withoot a doot, a heart sae grand
My bonnie yellow lab, wi a retrievers nose
Then ye’ll be in ma dreams
Till ma last day o sleep
An we’ll baith race tae that river
Eence mair tae the breen
Absolutely lovely, I made extra and will add garam masala ect to make s lovely smooth curry sauce
Nice post!
Looks delicous...thanks for sharing the wonderful receipe...